ආයතන අංශය
මල්ලවපිටිය ප්රාදේශීය ලේකම් කාර්යාලයට පැමිණෙන්නේ කෙසේද?
- කුරුණෑගල පාරේ මල්ලවපිටිය හන්දියට (කිලෝමීටර් 3 ක් ) පැමිණ එහි සිට දකුණු දෙසට මීටර් 100 ක් පැමිණිය යුතුයි.
ග්රාම නිලධාරි වසම් අංක පිළිබඳ විමසීම
| අනු අංකය | ග්රා. නි.කොට්ඨාසය |
| 1 | 711 මල්ලවපිටිය |
| 2 | 712- මිල්ලව |
| 3 | 713 -මැහිඇල්ල උතුර |
| 4 | 714 - මැහිඇල්ල දකුණ |
| 5 | 715 - හැවන |
| 6 | 716 - මරළුවාව |
| 7 | 717 - පල්ලෙගැට්ටුවාන |
| 8 | 718 - කෝවාන |
| 9 | 719 - කුඩා කෝවාන |
| 10 | 720 - උයන්දන |
| 11 | 721 - දෙනගමුව |
| 12 | 722 - තෝරයාය |
| 13 | 723 - රණවන |
| 14 | 724 - පිල්ලව |
| 15 | 725 - නාරම්පොල |
| 16 | 726 - හැගව |
| 17 | 727-යග්ගපිටිය |
| 18 | 728 - මැද්දෙගම නැගෙනහිර |
| 19 | 729 - මැද්දේගම බටහිර |
| 20 | 730 - උඩගම |
| 21 | 731 - කහටපිටිය |
| 22 | 732- දොරටියාව |
| 23 | 733-කොළපැළලික්නද |
| 24 | 734 - හේවාපොල |
| 25 | 735 - මැස්සගම්මන |
| 26 | 736 - කෝන්පොල |
| 27 | 737 -තිරගම |
| 28 | 738 - බෝධිගම |
| 29 | 739 - දැඹෑපොල |
| 30 | 740 - කෝරලේගෙදර |
| 31 | 741-බෝගමුව |
| 32 | 742 - ඉදුල්ගොඩ |
| 33 | 743 - ඉදුල්ගොඩ |
| 34 | 744 - ඉදුල්ගොඩ කන්ද |
| 35 | 745 - වල්පොලකන්ද දකුණ |
| 36 | 746 - වල්පොලකන්ද දකුණ |
| 37 | 747 -කටුපිටිය උතුර |
| 38 | 748 - කටුපිටිය දකුණ |
| 39 | 749 - වේරවැල්ල |
| 40 | 750 - බෙල්ගොඩ |
| 41 | 751 - බෙල්ගොඩ කන්ද |
| 42 | 752 - මොරතැන්න |
| 43 | 753 - ඉහළ තලම්පිටිය |
| 44 | 754 -මහගම |
| 45 | 755 - වත්තේගෙදර |
ව්යාපාරයක් ලියාපදිංචි කිරීමට හිමිකරුම පැමිණය යුතුද?
හිමිකරු පැමිණිය යුතුයි.ජාතික හැදුනුම්පත රැගෙන ආ යුතුය.
මරණයට පත් තැනැත්තෙකුගේ බැංකු ගත මුදල් හා උකස් තබන ලද භාණ්ඩ සම්බන්ධ කටයුතු කිරීමේදී රැගෙන ආයුතු ලේඛන මොනවාද?
· මියගිය තැනැත්තාගේ මරණ සහතිකය
· අයදුම්කරුට ඇති නෑකමට අදාල ලේඛන (උප්පැන්න සහතික, විවාහ සහතික)
· වෙනත් සාමාජිකයන් සිටී නම් අයදුම්කරුට මුදල් හෝ භාණ්ඩ ලබා දීමට ඔවුන්ගේ විරෝධතාවයක් නොමැති බව දිවුරුම් ප්රකාශන
· ජාතික හැදුනුම්පත
සමාජ සේවා අංශය
ගර්භණී මව්වරුන්ට ලබා දෙන රු. 20,000/= පෝෂණ දීමනාව ලබා ගන්නේ කෙසේද?
ගැබ් ගෙන මාස 3ක් ඉක්මවීමට පෙර ඔබ සහභාගී වූ මාතෘ සායනය අයත් ප්රාදේශීය ලේකම් කාර්යාලයේ මුල් ළමාවිය සංවර්ධන නිලධාරී හෝ මෙම වැඩසටහන ක්රියාත්මක කරන නිලධාරියාගෙන් අයදුම්පතක් ලබා ගත හැකිය.
අධ්යාපන ආධාර ලබා ගත හැකි අය කවුරුන්ද?
· දරුවන්ගේ පියා මියගොස් ඇති හෝ සුව කළ නොහැකි ආබාධයකින් පෙළේ නම් පාසැල් යන දරුවන්ට ශිෂ්යාධාර ලබා ගත හැකිය.
රාජ්ය නොවන සංවිධානයක් ලියාපදිංචි කරන්නේ කෙසේද?
· ආරම්භ කර වසරක් ඉක්ම වූ රාජ්ය නොවන සංවිධාන ලියකියවිලි ලබා දීමෙන් පසුව ලියාපදිංචි කරනු ලබයි.
සමෘද්ධි ප්රතිලාභය අලුතින් ලබා ගත හැකිද?
අභියාචනා භාර ගනු ලැබේ.පසුව සුදුසු අය සදහා ප්රතිලාභ ලබා ගත හැකිය
රෙජිස්ට්රාර් අංශය
උප්පැන්න හෝ විවාහ හෝ මරණ සහතිකයේ පිටපත් ලබා ගන්නේ කෙසේද?
· උප්පැන්න හෝ විවාහ හෝ මරණ සහතිකයේ අංකය හා දිනය දන්නේ නම් රුපියල් 100ක්ද,
· උප්පැන්න හෝ විවාහ හෝ මරණ සහතිකයේ අංකය හා දිනය නොදන්නේ නම් රුපියල් 200ක් ද ප්රාදේශීය ලේකම් කාර්යාලයට ගෙවා සහතික පත් ලබා ගත හැකිය.
උපත් ලියාපදිංචි කරන්නේ කෙසේද?
· සාමාන්ය උපතක් ලියාපදිංචි කිරීම සඳහා උපත සිදු වී මාස තුනකට කලින් අදාළ කොට්ධාශයේ උප්පැන්න ලියාපදිංචි කිරිමේ රෙජිස්ට්රාර්වරයකු මුණ ගැසී උපත ලියාපදිංචි කර ගත යුතුය.
· මාස තුනක් පසු වූ උප්පැන්න ලියාපදිංචි කිරීම සඳහා අතිරේක දිස්තික් රෙජිස්ට්රාර් මුණ ගැසී අදාළ තොරතුරු ලබා ගන්න.
විශ්රාම වැටුප් අංශය
සිවිල් විශ්රාමිකයා මිය ගිය පසු වැන්දඹු අනත්දරු විශ්රාම වැටුප සාදා ගන්නේ කෙසේද?
- · පළමුව විශ්රාමිකයාගේ මරණ සහතිකය ලබා ගෙන විශ්රාම වැටුප නතර කිරීම.
- · වැඩිපුර මුදලක් තිබේ නම් එය ගෙන්වා ගැනීමට බැංකුවට ලිපි දැමීම.
- · පසුව අදාල පුද්ගලයාට පහත සඳහන් ලිපි ලේඛන රැගෙන එන ලෙස දැනුම් දීම.
o විශ්රාමිකයාගේ මරණ සහතිකයේ මුල් පිටපත
o වැන්දඹුවගේ උප්පැන්න සහතිකයේ මුල් පිටපත
o විවාහ සහතිකයේ මුල් පිටපත
o වැන්දඹුවගේ බැංකු පොතේ ඡායා පිටපතක්
o වැන්දඹුවගේ හැදුනුම්පතේ ඡායා පිටපතක්
o වැන්දඹු අනත්දරු කාඩ්පතේ ඡායා පිටපතක් හෝ වැන්දඹු අනත්දරු අංකය
o ග්රාම නිලධාරි විසින් සහතික කරන ලද පාස්පෝට් ප්රමාණයේ වර්ණ ජායාරූප 02 ක්
o ඉහත ලියවිලිවල ඡායාපිටපත් සියල්ල ග්රාම නිලධාරී විසින් සහතික කල යුතුය
o නැවත විවාහ නොවූ බවට ග්රාම නිලධාරී සහතිකය
o වැන්දඹුව රාජ්ය සේවයේද /විශ්රාම වැටුප් ලබන්නේ ද යන වග
o වැ.වි.අරමුදල 15 අයදුම්පත හා පී.ඩී.04 ආකෘතිය සම්පූර්ණ කළ යුතුය.(එම අයදුම්පත් ප්රා.ලේ.කාර්යාලයේ විශ්රාම වැටුප් අංශයෙන් ලබා ගත හැකිය.)
· අනතුරුව ඔවුන් අදාල තොරතුරු ලබා දුන් පසු ලිපිගොනුව රැගෙන වැන්දඹු අනත්දරු විශ්රාම වැටුප සෑදීමට අවශ්ය කටයුතු කිරීම.
වැන්දඹුව මියගිය පසු විශ්රාම වැටුප උරුමකරුවන්ට ගෙවන්නේ නැත්තේ ඇයි?
· වැන්දඹු අනත්දරු විශ්රාම වැටුප් පනතට අනුව වැන්දඹු අනත්දරු විශ්රාම වැටුප් මුදලට හිමිකම් ලැබූ පුද්ගලයෙක් මිය ගිය පසු එකී පුද්ගලයාට හිමි විය යුතු වැටුපක් හෝ හිඟ මුදලක් ඇත්නම් එම මුදල් ඔවුන්ගේ උරුමකරුවන් වෙත ගෙවීම සඳහා නෛතික ප්රතිපාදන නොමැති බව පහදා දීම.
