ප්‍රාදේශීය ලේකම් කාර්යාලය - මල්ලවපිටිය

වාහන ආදායම් බලපත්‍ර

වාහන ආදායම් බලපත්‍ර නිකුත් කිරීම පෙ. ව. 9. 00 සිට  ප. ව. 3. 15 දක්වා පමණක් සිදු කෙරේ.

වාහන ආදායම් බලපත්‍රයක් ලබා ගැනීමේ දී ඉදිරිපත් කළ යුතු ලිපි ලේඛණ

1. වාහනය ලියාපදිංචි කිරීමේ සහතිකය (පොත) - අදාල වාහනය බස්නාහිර පළාත හැර අනෙක් පළාත් වලට අයිති එකක් විය යුතුයි.

• ලියාපදිංචි සහතිකය නොමැති විටක ඒ වෙනුවට මෝටර් රථ ප්‍රවාහන කොමසාරිස් වෙතින් ලබාගත් සහතික කල උධෘතයක් (MTA - 11) අවශ්‍ය වේ.
• රාජ්‍ය ආයතන, මූල්‍ය සමාගම් ( ෆිනෑන්ස් ආයතන) බැංකු වෙත බැදී ඇති වාහන සදහා එම ආයතනය මගින් නිකුත් කළ වාහනයේ ලියාපදිංචි සහතිකයේ සහතික කළ පිටපතක් (සහතික කිරීම සදහා පරම අයිතිය තබා ගත යුතු අතර මෙය වලංගු වන්නේ නිකුත් කල දින සිට මාස  03 ක කාලයකි.)

2. බලපත්‍රය ලබා ගන්නා දිනට වලංගු රක්ෂණ සහතිකය
3. අවසන් වරට ලබාගත් ආදායම් බලපත්‍රය

     4.බස් රථ, ලොරි රථ, ගිලන් රථ, අවමංගල්‍ය රථ, ත්‍රී රෝද වෑන් රථ සහ ලොරි ටේලර් සදහා අනුමත ගරාජයකින් ලබාගත් යෝග්‍යතා සහතිකයේ මුල් පිටපත සහ මුදල්    ගෙවූ කුවිතාන්සිය හෝ එහි ඡායා පිටපතක් ( මෙය ආදායම් බලපත්‍රය ලබා ගැනීම සදහා වලංගු වන්නේ නිකුත් කල දින සිට මාස 02 කි.)

5. ඔමිනි බස් සදහා අදාල වර්ෂය වෙනුවෙන් නිකුත් කළ වලංගු මගී ප්‍රවාහන බලපත්‍රය මුල් පිටපත සමග ඡායා පිටපතක්.
6. වායු විමෝචන සහතිකය ( අළුත්වැඩියා කරන ලද වාහන සදහා ලියාපදිංචි කල දින සිට ද, අළුත් වාහන සදහා දෙවන වසර සදහා ආදායම් බලපත්‍රය ලබා ගැනීමේ දීද අවශ්‍යෙව්.) මෙම සහතිකය වලංගු වන්නේ එක් වර්ෂයක් සදහා ආදායම් බලපත්‍රය ලබා ගැනීමට පමණි.

බලපත්‍රයේ අනුපිටපතක් ලබා ගැනීමට :-

• ඉහත අංක. 01, 02  සදහන් ලියවිලි සමග පොලීසිය වෙත කරන ලද පැමිණිල්ලේ සහතික කල පිටපතක් අවශ්‍ය වේ.

 ආදායම් බලපත්‍ර ගාස්තු පිළිබද විස්තර :-

 දඩ මුදල් අයකිරීම

දැව හෙලීම් බලපත්‍ර

දැව හෙලීමේ බල පත්‍ර නිකුත් කිරිම (කොස්ගස්/රට දෙල්/ගැහැණු තල්)

අවශ්‍ය ලිපි ලේඛන නාමාවලිය

01. ඉල්ලීම් ලිපිය

02. නිවැරදිව සම්පූර්ණ කරන ලද අයදුම්පත්‍රය

03. ග්‍රාම නිලධාරී නිර්දේශය

04. අදාළ ඉඩමේ ඔප්පුව (ග්‍රාම නිලධාරී විසින් සහතික කළ)

05. ඔප්පුවට අදාළ වන සැලැස්ම (පිඹුර/රෙඛාචිත්‍රය) (ග්‍රාම නිලධාරී විසින් සහතික කළ)

06. අදාළ පත්ඉරුව (වලංගු කාලය මාස 06 කි) (ග්‍රාම නිලධාරී විසින් සහතික කළ)

07. ගස්වල පිහිටීම සලකුණු කළ ග්‍රාමනිලධාරී දළ සැලැස්ම

08. ඉඩමේ ප්‍රමාණය අක්කර 12.5 ට වැඩි වූ විට පරිසර වාර්තාව

09. දීමනා පත්‍ර ඉඩමක නම් පසු උරුමය නම් නොකර දීමනාපත්‍රකරු මියගොස් ඇති විට කලත්‍රයාගේ විවාහ සහතිකය, දරුවන්ගේ උප්පැන්න සහතිකය ඇතුළු කැමැත්ත ප්‍රකාශිත ලිපි

10. ඉඩම උකස් කර හෝ කුලී දී ඇත්නම් බදුගිවිසුම අදාළ පත්ඉරුව/හා අදාළ ආයතනයෙන් විරුද්ධ නැති බවට ලබාගත් සහතික කරන ලද ලිපියක්.

11. ලියකියවිලිවල වෙනස්කම් ඇත්නම් ඒ සඳහා දිවුරුම් ප්‍රකාශයක්.

12. ඇටෝර්නි බලය නම් කර ඇත්නම් ලියාපදිංචි කරන ලද ඇටෝර්නි බලපත්‍ර ලේඛනයේ පිටපතක්

13. ජීවිත භුක්ති ඉඩමක් නම් ජීවිත භුක්තිකරුවගේ විරුද්ධ නැති බවට ලිපියක්. මියගොස් නම් මරණ සහතිකය ඉදිරිපත් කළ යුතුය.

14. නොබෙදූ/හවුල් ඉඩමක නම් අනෙක් පාර්ශ්වකරුවන්ගේ කැමැත්ත ප්‍රකාශිත ලිපි. ඉඩම් හිමිකරු මියගොස් නම් අවසන් කැමැත්තපත්‍රයක් නොමැති විට අදාළවන පරිදි කලත්‍රයා, දරුවන්, දෙමාපියන් හා සහෝදරාදීන්ගේ විරුද්ධ නොමැති බවට ලිපි.

15. බුදල් ඉඩමක නම් අධිකරණ නඩු තීන්දුවේ සහතික කළ පිටපත හෝ සමගි බෙදුම් ඔප්පුව හා පිඹුරු පිටපත.

16. ජනපද නිලධාරී වාර්තාව (දීමනාපත්‍ර ඉඩම් සඳහා)

17. පරිපාලන ග්‍රාම නිලධාරී වාර්තාව.

18. ස්වභාවික හේතූන් මත මියගිය හෝ ඉදිරි වැටි ඇති ගස් / වයස්ගතවීම නිසා හෝ රෝග වැළදීම නිසා ඵල නොදරන ගස් වේ නම් කෘෂිකර්ම උපදේශක නිර්දේශය.

දැව/දැව භාණ්ඩ ප්‍රවාහන බල පත්‍ර නිකුත් කිරීම

ඉදිරිපත් කලයුතු ලියවිලි :-

1.ඉල්ලීම් ලිපිය

2.සම්පූර්ණ කරන ලද අයදුම් පත්‍රය

3.දැව කදන් ,ඉරූ දැව හෝ දැව භාණ්ඩ පිළිබද ග්‍රාම නිලධාරී වාර්තාව

4.කොස්/රට දෙල්/ගැහැණු තල් ගසක් නම් කැපීම සදහා නිකුත් කළ බලපත්‍රය

5.ග්‍රාම නිලධාරී විසින් සහතික කළ දැව කුට්ටි කිරීමේ ලේඛනය

6.අඩවි වන නිර්දේශය

7.මිළදී ගැනීමක්නම් කුවිතාන්සිය

8.දුම්රියෙන් ප්‍රවාහනය කරන ලද දැව /දැව භාණ්ඩ නැවත ප්‍රවාහනයට බලපත්‍ර නිකුත් කිරීමේදී ප්‍රවාහන බලපත්‍ර යේ මුල් පිටපත හා දුමිරිය දෙපාර්තමේන්තුවෙන් නිකුත් කළ නිල කුවිතාන්සිය

සත්ව ප්‍රවාහන බලපත්‍ර

සතුන් ප්‍රවාහනය කිරීම සඳහා  අවශ්‍ය  ලිපි ලේඛණ                          

1.සත්ව සෞඛ්‍ය  සහනිකය   (අදාල පශුවෛද්‍ය කාර්යාලයෙන් ලබා  ගත  යුතුය)

2.වාහන නිර්දේශ  කිරීමේ   සහතිකය(අදාල පශුවෛද්‍ය කාර්යාලයෙන් ලබා  ගත  යුතුය)       

3.ගව වවුචරය(අදාල පශුවෛද්‍ය කාර්යාලයෙන් ලබා  ගත  යුතුය)

4.සතුන් සිටින වසමේ ග්‍රාම නිලධාරී වාර්තාව

5.ප්‍රාදේශීය  ලේකම්  කොට්ඨාශයෙන් පිටතට සතුන් රැගෙන යන්නේ නම් එම ප්‍රාදේශීය  ලේකම්  කොට්ඨාශයේ  අදාල ග්‍රාම නිලධාරී වසමේ ග්‍රාම නිලධාරීගෙන් ලබාගත් ලිපියක් (සතුන් ඇති කිරීම සදහා ඉඩ පහසුකම් ඇති   බව හා අදාල අය එම වසමේ පදිංචි බවට) ප්‍රාදේශීය  ලේකම්   අනු අත්සනින් ඉදිරිපත් කල යුතුය.

6.එක් සත්වයෙකු ප්‍රවාහනය සදහා රු.50/- ක ගාස්තුවක් අය කෙරේ.

පස්/වැලි/බොරළු ප්‍රවාහන බලපත්‍ර

වාණිජමය  නොවන කාර්යයන් සදහා  වැලි/පස්/බොරළු  කැනීම හා  ප්‍රවාහන  බලපත්‍ර  ලබා දීමේ  අයදුම්පත්  නිර්දේශය සඳහා අවශ්‍ය  ලියකිවිලි

1.       අයදුම්පත්‍රය   -       ග්‍රා.නි. නිර්දේශය සමඟ 

2.       ඉල්ලීම්  ලිපිය

3.       කැනීම්  කරනු   ලබන  ඉඩමේ ඔප්පු   පිටපත

4.       එම ඉඩමේ පිඹුරු  පිටපත

5.       ග්‍රාම නිලධාරී  වාර්තාව

6.       වැලි/පස්/බොරළු රැගෙන  යන  ඉඩමේ ඔප්පු  පිටපත 

7.       එම පිඹුරු   පිටපත

8.       අවට  ඉඩම්  හිමියන්ගේ   කැමැත්ත  ප්‍රකාශ   ලිපි - ග්‍රා.නි  . අනු අත්සන  සහතික

9.       නිවසක්   ඉදි කරනු  ලබන්නේ නම් එහි  දල සැලැස්ම

10.       ඉඩමට පිවිසෙන  මාර්ග විස්තරය

මී රා  බලපත්‍ර

මීරා බලපත්‍ර /කිතුල් රා බලපත්‍ර නිකුත් කිරීම

1.     ඉල්ලීම් ලිපිය

2.     ඉඩම අයිතිය තහවුරු කිරීමේ ලියවිලි

3.     ග්‍රාම නිලධාරී වාර්තාව

4.     පදිංචි සහතිකය

5.     ජාතික හැදුනුම්පත /ජාතික හැදුනුම්පතේ ඡායා පිටපත

6.     සුරාබදු ස්ථානාධිපති නිර්දේශය

7.     අදාළ ගාස්තු

පුපුරන ද්‍රව්‍ය බලපත්‍ර

1.    සම්පූර්ණ කරන ලද අයදුම් පත්‍ර.

                                     I.        ගල් පිපිරවීම / කැණිම කාර්ය සදහා - (1) ආකෘතිය

                                   II.        පුපුරන ද්‍රව්‍ය බලපත්‍රය / අවසර පත්‍රයක් සදහා - (2) ආකෘතිය

                                  III.        ගල් පිපිරවීම / කැණීම් ඉල්ලීම් සදහා - (3) ආකෘතිය.

                                 IV.        පුපුරන ද්‍රව්‍ය අවසරපත්‍ර / පූර්ව / ආවරණ අනුමැතිය සදහා - (4) ආකෘතිය

 2.    අයදුම්කරුගේ චරිතය පිළිබද  පොලිස් වාර්තාව

 3.    ගල් පිපිරවීම / කැණීම් කරන ස්ථානයේ අයිතිය තහවුරු කිරීම සදහා ග්‍රාම නිලධාරී  / බීට්ටු වන නිලධාරී / ඒකක කළමණාකරු වාර්තාව / සමග ප්‍රාදේශිය ලේතම් / දිසා වන නිලධාරී නේවාසික ව්‍යාපාර කළමණාකරුගේ නිර්දේශය .

 4.    ගල් පිපිරවීම/ කැණිම් කරන ස්ථනය පිලිබද සවිස්තර වාර්තාව (3 ආකෘතිය)

 5.    භූ විද්‍යා සමීක්ෂණ හා පතල් කාර්යංශයෙන් ලබාගත් කැණිම් බලපත්‍රය/ වාර්තාව

 6.    මධ්‍යම පරිසර අධිකාරියේ ප්‍රධාන කාර්යාලයෙන් ශාඛා කාර්යාලයකින් , පිපිරවීම/ කැණීම් කරන ස්ථානය අයත් පළාත් පාලන ආයතනයකින් ලබාගත් පාරිසරික ආරක්ෂණ බලපත්‍රය

 7.    ගල් පිපිරවීම / කැණීම් කරන ස්තානය අයත් පලාත් පාලන ආයතනයෙන් ලබාගත් වෙළද බලපත්‍රය

 8.    රජයේ සංවර්ධන කටයුතු සදහා පුපුරන ද්‍රව්‍ය ඉල්ලුම් කිරීමේදී අදාළ කොන්ත්‍රාත්තුව අයදුම්කරු නමට ලැබී ඇති බවට සියලුම ලියකියවිලි අයදුම් පත සමග ඉදිරිපත් කල යුතුය

9.    අයදුම්කරු විදේශිකයකු නම් , එම පුද්ගලයාගේ විදේශ ගමන් බලපත්‍රය සහ වීසා සහතිකයේ ඡායා පිටපතක් අයදුම්පතක් සමග එවිය යුතුය.

මෙරට සහ පිටරට බීම සදහා බලපත්‍ර

සුරාසැල් සදහා බලපත්‍ර නිකුත් කිරීම

1.     සුරාබදු කොමසාරිස් අනුමැතිය සහිත ලිපිය

2.     දේශීය ආදායම් කොමසාරිස් නිෂ්කාශන සහතික(අවශ්‍ය නම් පමණී)

3.     සහකාර සුරාබදු කොමසාරිස් නිශ්කාශන සහතිකය

4.     පසුගිය වර්ෂයේ බලපත්‍රය

5.     අදාළ ගාස්තු

ගිනි අවි  බලපත්‍ර

තුවක්කු ආඥාපනතේ 05(1) හා 23(3) වගන්තිවල විධිවිධාන ප්‍රකාර වගා ආරක්ෂාව සඳහා ගිනිඅවියක් ලබාගැනීම සඳහා ඉදිරිපත් කල යුතු ලිපි ලේඛන

1. සම්පූර්ණ කරන ලද ප්‍රාදේශීය ලේකම්ගේ නිර්දේශිත අයදුම්පත්‍රය.

2. වයස අවුරුදු 65 ට නොවැඩි විය යුතු අතර, අවම වයස අවුරුදු 21 ට වැඩි විය යුතුය.

3. කෘෂිකාර්මික ඉඩම් ඔප්පුවල සහතික කරන ලද ඡායා පිටපත් සහ ඊට අදාළ පත්ඉරු (ඉල්ලුම්කරු නමින් හෝ කාලත්‍රයාගේ නමින් අක්කර 05 ක් හෝ ඊට වැඩි භූමි ප්‍රමාණයක වගා කටයුතු සිදු කර තිබීම අනිවාර්ය වේ. ඥාතිත්වය තහවුරු කිරීම සඳහා නීතිමය ලියවිලි ඉදිරිපත් කළ යුතුය. කාලත්‍රයාගේ නමින් ඉඩම් ඉදිරිපත් කරන්නේ නම්, කසාද සහතිකයේ සහතික කරන ලද ඡායා පිටපත, ජාතික හැඳුනුම්පතේ සහතික කරන ලද ඡායා පිටපත, කැමැත්ත ප්‍රකාශ කිරීමේ දිවුරුම් ප්‍රකාශය / ජීවිත භුක්තියට යටත්ව ලියා ඇති ඉඩම්වල ඒ සඳහා විරුද්ධතාවයක් නොමැති බවට ලිපිය සහ මිය ගොස් ඇත්නම් මරණ සහතිකය)

4. ප්‍රාදේශීය ලේකම් විසින් නිකුත් කරන ආදායම් සහතිකයේ (ප්‍රා/ලේ ඇම්. 201 ආකෘතිය) මුල් පිටපත හෝ ආසන්න වසර 03ක ආදායම් බදු ගෙවීම පිළිබඳව සංක්ෂිප්ත වාර්තාව (වාර්ෂික ආදායම රු.400,000/- ට වැඩි විය යුතුය).

5. ජාතික හැඳුනුම්පතෙහි සහතික කරන ලද ඡායා පිටපත.

6. ඔප්පුවලට අයත් ඉඩම්වල ඇති වගාවන් මොනවාද? ඒවා කොපමණ ප්‍රමාණයකින් යුක්තද? එම වගාවන්ට සිදුවන හානි පිළිබඳව කරුණු ඇතුළත් දිස්ත්‍රික් ගොවිජන සේවා සහකාර කොමසාරිස් වෙතින් ලබා ගත් වගා හානි සහතිකයක් (ඉඩම පිහිටි බල ප්‍රදේශයේ).

7. වගා ඉඩම පිහිටිම පදිංචි දිස්ත්‍රික්කයෙන් පරිබාහිර දිස්ත්‍රික්කයක නම් මුරකරු බලපත්‍රයක් යටතේ භාවිතා කිරීමට එකඟතාවය දක්වන ලිපිය (මුරකරු සම්බන්ධ පොලිස් වාර්තාව, ග්‍රාම නිලධාරි වාර්තාව දිස්ත්‍රික් ලේකම් විසින් පරීක්ෂා කළ යුතුය).

8. වගා ඉඩම් පිහිටීම පිළිබඳ ඉඩම පිහිටි වසමේ ග්‍රාම නිලධාරි සහතිකය

9. දී ඇති තොරතුරු නිවැරදි බවත්, ගිනි අවියක් භාවිතා කිරීමට අවශ්‍ය ප්‍රවීණතාව ඇති බවත්, ගිනි අවිය අවභාවිතා නොකරන බවට හා බලපත්‍ර කොන්දේසි කඩ නොකරන බව සඳහන් දිවුරුම් ප්‍රකාශය (රු.50.00 ක මුද්දරයක් මත)

• ඡායා පිටපත් ලබා ගැනීමේ දී සෑම පිටුවක්ම සත්‍ය පිටපතක් බවට ග්‍රාම නිලධාරි හෝ ප්‍රාදේශීය ලේකම් වෙතින් සහතික කර තිබිය යුතුය

• ලේඛන සියල්ලෙහිම ඡායා පිටපතක් ලඟ තබා ගැනීමට කටයුතු කරන්න

විශේෂ අවධානය : අසම්පූර්ණ අයදුම්පත් භාර ගනු නොලැබේ

කෘෂිකාර්මික කටයුතු සඳහා පාවිච්චි කරනු ලබන ගිනිඅවි පැවරීමක් සඳහා ඉදිරිපත් කල යුතු ලිපි ලේඛන

ගිනිඅවිය පැවරීමේ දී ගිනිඅවි හිමිකරුගේ කලත්‍රයා, පුතා, දුව හෝ බෑණා, ලේලිය යන අයට මෙන්ම ගිනිඅවි හිමිකරුට දරුවන් නොමැති විට පැවරීමක් සිදු කිරීමට අපහසු බැවින් ගිනිඅවි හිමිකරුගේ සහෝදර සහෝදරියන් සිටීනම් ඔවුන්ට හෝ ඔවුන්ගේ දරුවන්ට තම අනන්‍යතාවය සහ අවශ්‍යතාවය තහවුරු කොට එම ගිනිඅවි පවරා ගැනීමට අයදුම් කළ හැක.

1. පැවරුම්ලාභියාගේ වයස අවු. 65 ට නොවැඩි විය යුතු අතර, අවම වයස අවු. 21 ට වැඩි විය යුතුයි.

2. සම්පූර්ණ කරන ලද ගිනිඅවි පැවරීමේ ඉල්ලුම්පත.

3. ජාතික හැඳුනුම්පතේ සහතික කරන ලද ඡායා පිටපත්. (පැවරුම්කරුගේ/පැවරුම්ලාභියාගේ)

4. ඥාතිත්වය තහවුරු කිරීම සඳහා අදාල පරිදි උප්පැන්න සහතිකයේ/විවාහ සහතිකයේ සහතික කරන ලද ඡායා පිටපතක්.

5. කෘෂිකාර්මික වගා ඉඩම ගිනිඅවි පැවරුම්ලාභියාට නීත්‍යානුකූලව පැවරුණු ඔප්පුවල සහතික කරන ලද ඡායා පිටපත් හා ඊට අදාල පත්ඉරු. (අක්කර 02 ට වැඩි)

6. ගිනිඅවි හිමිකරුගේ පවුල සම්බන්ධයෙන් ග්‍රාම නිලධාරී වෙතින් ලබා ගත් පවුල් පසුබිම් වාර්තාව. (ප්‍රාදේශීය ලේකම් අනු අත්සන් කරන ලද) දෙවන පිටුවෙහි අංක 01 හි සඳහන් ආකාරයට මෙම වාර්තාව ලබා ගන්න.

7. වගා ඉඩම පිහිටීම පිළිබඳ ඉඩම පිහිටි වසමේ ග්‍රාම නිලධාරී සහතිකය. (දෙවන පිටුවෙහි අංක 02 හි සඳහන් ආකාරයට මෙම වාර්තාව ලබා ගන්න.)

8. පැවරුම්ලාභියා හැර වෙනත් දරුවන් සිටී නම් (සහෝදර / සහෝදරියන්) වගා ඉඩම හා ගිනිඅවිය පැවරුම්ලාභියාට ලබා දීම පිළිබඳව ඔවුන්ගේ කැමැත්ත දක්වන දිවුරුම් ප්‍රකාශ.

9. ඉහත 4 ජේදය අනුව ඉදිරිපත් කරන ඔප්පුවලට අයත් ඉඩම්වල ඇති වගාවන් මොනවාද? ඒවා කොපමණ ප්‍රමාණයකින් යුක්තද? එම වගාවන්ට සිදුවන හානි පිළිබඳව කරුණු ඇතුළත් දිස්ත්‍රික් ගොවිජන සංවර්ධන සහකාර කොමසාරිස් වෙතින් ලබාගත් සහතිකයක්. (කුරුණෑගල දිස්ත්‍රික් ගොවිජන සේවා කාර්යාලය මඟින් මෙම අයදුම්පත ලබා ගන්න)

10. පැවරුම්ලාභියා රජයේ සේවයේ, ත්‍රිවිධ හමුදාවේ හෝ පොලිසියේ සාමාජිකයෙකු නම්, ගිනි අවිය පැවරීම පිළිබඳව සේවය කරන ආයතනයේ ප්‍රධානියාගෙන් ලබාගත් එකඟතා ලිපියක්. (එසේ නොමැතිනම්, ඉහත රැකියාව නොකරන බවට ග්‍රාම නිලධාරී වෙතින් ලබාගත් ලිපියක්)

11. පවරනු ලබන ගිනි අවිය සඳහා අවසන් වරට ලබාගත් වාර්ෂික බලපත්‍රයේ ඡායා පිටපතක්.

12. ප්‍රාදේශීය ලේකම් විසින් නිකුත් කරන ආදායම් සහතිකයේ (ප්‍රා/ලේ ඇම්. 201 ආකෘතිය) මුල් පිටපත හෝ ආසන්න වසර 03ක ආදායම් බදු ගෙවීම පිළිබඳව සංක්ෂිප්ත වාර්තාව. (වාර්ෂික ආදායම රු.400,000/- ට වැඩි විය යුතුය.) ගිනිඅවි පැවරුම්ලාභියාගේ

13. ගිනිඅවි හිමිකරු මියගොස් ඇත්නම් ඔහුගේ/ඇයගේ මරණ සහතිකයේ සහතික කරන ලද ඡායා පිටපතක්.

• ඡායා පිටපත් ලබා ගැනීමේ දී සෑම පිටුවක්ම සත්‍ය පිටපතක් බවට ග්‍රාම නිලධාරී හෝ ප්‍රාදේශීය ලේකම් වෙතින් සහතික කර තිබිය යුතුය.

• දිවුරුම් ප්‍රකාශ අදාල කරුණු සනාථ වන පරිදි නිවැරදි ආකාරයට ලියා තිබිය යුතු අතර, නියමිත ගාස්තු ප්‍රමාණයට මුද්දර යොදා අත්සන් කර තිබිය යුතුය. එමෙන්ම, තමා දිවුරුම ඉදිරිපත් කරනු ලබන සාමදාන විනිශ්චයකාර හෝ දිවුරුම් කොමසාරිස් කවුරුන්ද යන්න පැහැදිලිව සඳහන් වන පරිදි ඔහුගේ නිල මුද්‍රාව තබා ඔහු විසින් නියමිත ස්ථානයේ අත්සන් කර තිබිය යුතුය.

14. ගිනි අවිය මිලදී ගැනීමේ අවසර පත්‍රයේ පිටපතක්

15. ගිනි අවිය සඳහා මුල්වරට ලබාගත් බලපත්‍රයේ පිටපතක්

           ආනයන  බලපත්‍රය නිකුත් කිරීම සඳහා

අවශ්‍ය  ලේඛණ

1.         සම්පූර්ණ කරන ලද "5"  ආකෘතිය  පත්‍රය අදාල ආයතනයේ  /දෙපාර්තමේන්තුවේ/ අමාත්‍යාංශයේ ප්‍රධානියාගේ නිර්දේශය  සමඟ ඉදිරිපත් කල යුතුය.

2.ආනයනය කරනු  ලබන පුපුරන ද්‍රව්‍ය වර්ග හා ප්‍රමාණ ඇතුලත් ලේඛණය.

3. ආනයනය කරනු  ලබන පුපුරන ද්‍රව්‍ය ගබඩා කරන පිළිවෙල හා  ගබඩා පහසුකම් පිළිබඳ  විස්තරය.

4.සහකාර  පුපුරන ද්‍රව්‍ය  පාලකයාගේ  නිර්දේශය

5.ඉල්ලුම්කරුගේ   ජා.හැ.ප./ විදේශ  ගමන් බලපත්‍රයේ ඡායා පිටපතක්